الحمدلله الي الله خلقني زلمة..!

راجع من الجامعه , ماخد
اوراق التخرج وتعبان .. عيّرت المنبه مشان اصحى عال8 واطلع عالجامعه اسجل
ماستر .. صحيت على صوت ابوي , ولك قوم يالله قربو يجو دار أم دانا .. بدنا
نلحق نعزل البيت ونحجز موعد عند الصالون قبل الساعه 5 .
قلتلو طيب يابا
والماستر , بدي اروح اسجل بعدين مين أم دانا ؟ , قلي وجع بشكلك أجّل حكيك
و أعمل الي قلتلك عليه , فعلا لبست شورت وشبّاح ونزلنا تعزيل انا و أبوي
وانا مش فاهم اشي , صارت الساعه 4 رحت عالصالون اسوي شعري ولبست و دق دق
دق دق , اجت أم دانا وابو دانا ودانا ... مش عارف شو الي صار بس فجأة سمعت
صوت امي بتحكي (توكلو على الله واشربو قهوتكم ) , وابوي بلش يزغرت و دخل
علي بقلي يالله روح قدم القهوة لخطيبتك دانا ..
قلبي صار بين رجلي واول مرة بستحي لهلدرجة سألت ابوي ليه ومين خطبني؟ .. خرسني ودخلت قدمت المشاريب لحماتي وحماي و دانا ..
مرت
الايام وتزوجنا .. وبيوم من الايام رايحين على مكة مول نتغدى , فجأة وانا
باكل لاعت معدتي (يعني حسيت بوجع فيها) وحسيت حالي بدي استفرغ , رحت على
حمام الرجال وانا دايخ .. لقيت بالحمام شغلات مش فاهمها ... الرجل كلهم
واقفين عالمراي بزبطو بوجوههم وبحطو ميك اب , والي بحكي مرتي ما بترضى احط
ميك اب مشان هيك بس بحكي gloss وهاي لاينر , والي ببكي وبحكي مرتي بدها
تحجبني وفجأة دخلت مرا بتترنح ذات اليمين وذات الشمال على حمام الرجال ,
مابعرف شو صارلي بس قلبي صار بين رجلي وقعدت أولول .. والرجال بولولو ..
والي شلح البلارينا والكندرة الكعب من رجلو ونزل خبط على راس المرا , والي
صار يبكي , والي اغمى عليه , وكان في عجوزين بالحمام , الاول بحكي الله
يستر على شبابنا من بنات هالايام , والثاني بحكي للمرا انتي ما عندك
اخوان؟ ما بتخافي الله يبعت لأخوانك بنات حرام؟
فجأة اجى 3 بنات سكيورتي وسحبوها لبرا المول وانا مش فاهم اشي !
رجعت
لعند دانا واول ما وصلت عندها دخت ووقعت عالارض , حملتني للمستشفى وبعد
الفحوصات .. كان الخبر السار .. انا حامل .. لأ دقيقة شو حامل؟؟
بقول
للدكتورة كيف يعني حامل , وبسأل دانا انو ايش الي عم بصير كيف صرت حامل شو
صار للدنيا ... صارت تبكي وعبطتني وحكتلي يارب تيجي بنت تحمل اسم امي
وتكون ولية عهدي .. والله يا محمد لأحطك بعيوني .. ومن بكرة بدي اجيبلك
سرلنكي يشتغل عنك شغل البيت ..
قلتلها بس بس .. احنا ما اتفقنا هيك
.. انا بدي اكمل ماجستير , انا خلصت حقوق مشان اصير محامي مش مشان اربي
ولاد .. ما خلصت كلمتي الا سلختني دانا كف .. وقالتلي روحي على بيت اهلك ..
حملت
اواعيي والدموع بغطو عيوني , و رحت لأبوي قلتلو الي صار قلي ما الي دخل
روح احكي مع امك .. قلت لأمي وفهمتها انو انا عندي حياتي الخاصة ومشاريعي
المستقبلية , برضو ما خلصت كلمة مستقبلية الا كمان كف على نفس الخد فقعتني
ياه امي ( ملطشة الجميع انا ) .. قالتلي انو شو مستقبلك وشو طموحك؟ ..
مستقبلك يا سيد محمد هو مرتك , هو ولادك , هو بيتك .. احنا ما عنا شباب
يحردو ويتركو نسوانهم ..
اقتنعت من امي , وفعلا قررت ارجع على بيت
دانا ستي وتاج راسي وام عيالي المستقبلية , بس قلت لأمي برجع بس بشرط
تحكيلي شو بصير انا مش فاهم اشي ..
قاطعتني وحكتلي مش وقتك ...
اول ما خلصت حكي اجت دانا عالبيت تراضيني وترجعني على بيتها , وانا قعدت ادلعلها و اتغنجلها , وفعلا روحنا على بيتنا
واحنا بالطريق هفت بنفسي الاسكادنيا ,, هاد هو الوحام .. راحت دانا تشتريلي اسكادنيا وكراويا وجوافه ودلعتني اخر دلع ..
مرت
الايام وحمي معي الطلق ( وهو وضع يصيب الحامل قبل عملية الولادة بـ ربع
ساعه ) دخلت بغيبوبه وصحيت على صوت بيبي بنوته ... سميناها أريج على اسم
حماتي ..وكبرت اريج وتربت بعز
وصار عمرها 6 شهور .. بتقلي دانا يالله محمد خلينا نروح نودي أريج عالدكتور
بقلها ليش لا سمح الله .. اريج مريضة؟؟
بتحكيلي لأ شو مريضة يا غبي بعيد الشر عنها .. بس صار موعد طهورها ... !!!
بقلها شووووووووو؟؟ طهور مين يختي ؟؟ طهور اريج؟؟
لأ
لهون وبس انا مش فاهم اشي .. انو اجيتو وخطبتوني ماشي , وامي صارت الزلمة
بالبيت كمان ماشي , وانو انا صرت ألبس بلارينا وبروتيلات وشيالات كمان
ماشي .. واني توحمت وخلفت وصرت ارضع اوكي بلعناها ...
بس جاي بتحكيلي بدك تطهري البنت؟.. سوري كتير بس جد مش فاهم انا .. انا مش فاهم اشي اصلا انا ضايغ , هلأ بدك تفهميني كل اشي
بتقلي
طيب بلا تخبيص شو الي مش فاهم .. بقلها كل اشي كل اشي ضليت ابربر ابربر
ابربر لحد ما فقعت معي , قلتلها اسمعي دانا , يا اما بتحكيلي , او قسما
بالله بخلعك بجيب اجلك ..
حكتلي اوكي هاد يا سيدي .. فجأة طلع صوت ترررررررررررررررررررررررررررررررررن
بقول لدانا روحي شوفي مين عالباب مواعده حدا؟
بتحكيلي لأ هاد صوت منبه الساعة ..
بقلها طيب روحي اطفيه .. مين الي عيره بهالوقت؟؟ ..
بتقلي خدلك الغبي , لسه ما فهم !!!
بقلها شو بدي افهم .. اطلعي من راسي يالله روحي اطفي المنبه صوته قلقني .. وارجعي بسرعه مشان تحكيلي وتشرحيلي ايش الي قاعد بصير ..
بتحكيلي فعلا انك مبلّد وعقلك يابس .. هاد المنبه الي عيرته مبارح عال8 ..
بقلها ها؟ ( وطلع من راسي علامة تعجب زي ماروكو) ..
بتقلي ول عليك شو لخمة, انت هلأ بحلم شو مش فاهم وطلع منها صوت ضحكة خبيثة زي هيك ( بواهاع هاع هاع هاع هااع )
حلم؟ , يي اه والله انا نايم .. انا بحلم .. ولا اشييي
رحت
حلفت يمين ما اقوم من الحلم الا لما اقتلها لدانا .. رحت عالمطبخ جبت
سكينة ولحقت وراها اقتلها .. وانا سامع صوت ابوي بصحيني بس عامل حالي لسه
نايم
لحقتها لحد ما مسكتها و ماسك السكينة بدي اقتلها .. ولا فجأة و كالعادة كاسة مي باردة ابوي بزتها بوجههي ...
قووووووووم لحق قدم طلب الماستر .. نومة أهل الكهف انشالله
صحيت وفي جواتي مزيج بين الفرح اني الحمدلله الله خلقني زلمة مش مرا ..
و الحزن لأني ما قدرت اقطع رقبت دانا بأيدي .

انا لو محلك ما بحل عن دانا الا لما اطلع روحها بايدي يخرب بيت هالحلم شو مزعج اصلا هاد مو حلم هاد

كابوووووووووووووووووووووس الله يجيرنا

بس الموضوع بعقد وبياخد العقل ومشوق للنهايه
وازا صار يوم وحلمت انك قتلت دانا يا ريت تحكيلنا
ويعطيك العافيه سمعه على هالموضوع الرائع :D

Cool

:|

ههههههههههههههه
هههههههههههه
والله ياسمعه شكلها دانه معذبتك بلواقع لحتي بتحلم بيها وبيجيك كوابيس منها ع راي ابو عيون ساحره هههههههههههههههه روعة

ههههههههههههههههههههههههههههههههههههههههه

يسسسسسسسسسسسسلمو ع المرور الرائع

يسلمو ابو خالتي على الموضوع
غايه الروعه
تقبل مروري

بيجنن بيجنن بيجنن, بياخد العقل عن جد موضوع روعة بتستاهل عليه احلى كاسة شاي بس بشربها عنك ,روعة انبسطتت وانا بقرا فيه حلووووووووووو

عن جد انك مبدع المنتدى ومروووووق
والقصة حلوة بس الحمدللة انو ماانعكست الاية
يمكن تصير باخر الزمان.!!!
تقبل مروري

ههههههههههههههههههههههههههههههههههههههههههههههه
هههههههههههههههههههههههههههههههههه

والله اخر هالزمن اتخيل حالك سمعه انت بتغسل وبتجيسلي وحامل هههههههههههههههههههه
مشكو ر سمعه على هالموضوع الرائع

وتقبل مروري

و رحت لأبوي قلتلو الي صار قلي ما الي دخل
روح احكي مع امك .. قلت لأمي وفهمتها انو انا عندي حياتي الخاصة ومشاريعي
المستقبلية , برضو ما خلصت كلمة مستقبلية الا كمان كف على نفس الخد فقعتني

ههههههههههههههههههههههه
ه هههههههههههههه
ههههههه
شو هاد يا سمعة
والله انك مزوء وقصة من الاخر
والحمد لله انو نخلقنا زلام
ودانا اتركها علي
رح اجبلك راسها بصندوق

هههههههههههههههههههههههههههههههههه

واكيد انتو الزوووووء ومروركم المبدع